تامر ضيائي يترك وصية مليئة بالحكمة بعد صراع مع المرض

رحل الفنان المسرحي تامر ضيائي، بعد صراع طويل مع المرض، تاركًا خلفه وصية مؤثرة تُظهر قيمه الإنسانية. في هذه الوصية، أشار إلى أهمية صلاة الجنازة والدعاء، كما طلب من أحبائه أن يتحلوا بالصبر وعدم التعاطف معه بطريقة تجعله يشعر بالعذاب. كما دعاهم للتفكير في الصدقة الجارية التي تفيد الآخرين وتساعد في تخفيف معاناتهم. تبرز هذه الوصية الحكمة التي تحملها ضيائي في حياته، وتهدف إلى إلهام الآخرين بفلسفةٍ قائمة على الحب والعطاء.

رحل عن عالمنا اليوم الفنان المسرحي تامر ضيائي، بعد صراع طويل مع المرض، تاركًا وراءه إرثًا فنيًا عميقًا وذكريات لا تُنسى في قلوب محبيه. قبل وفاته بأسابيع، كتب تامر وصية خاصة موجهة إلى أسرته وأصدقائه، يعبر فيها عن رغباته وأمنياته بعد رحيله.

كتب تامر عبر حسابه الشخصي على موقع التواصل الاجتماعي “فيس بوك” وصيته التي تتضمن نصوصًا مؤثرة موجهة لأسرته وأصدقائه.

نص الوصية

وجاء نص الوصية التي كتبها عبر حسابه الشخصي على موقع التواصل الاجتماعي "فيس بوك" كالأتي:

بوست وصية ده هيفضل باين على صفحتي لحد ما أموت.. الحقيقة اللي كلنا عارفينها ومتأكدين منها إننا كلنا ربنا كتبلنا إننا نموت فى ميعاد محدد غير معروف، وعشان كده كتبت الكلام ده لأنى محتاج حاجات معينه تتعمل وحاجات خايف تتعمل وأنا مش عايز حد يعملها لمجرد إنها معروفه، ووقتها طبعاً مش هعرف أقولها لحد.. ودي وصيتي: 
١) صلاة الجنازة أهم من العزاء وهى إللى كل ما العدد زاد كل ما ثوابى ما كان أكتر، فأرجوكم تصلوا عليا.

٢) مش شرط تيجى العزا وياريت لو اتعمل فى البيت أو مكان بسيط بفلوسه تطلعولى صدقة جارية أفضل.

٣) من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وإدعولى الوقت اللى هتقروا فيه جزء فضوا نفسكم وإقعدوا إدعوا فيه.

٤) بلاش صدقة جارية تقليدية وسهله ومش مستفاد بيها يعنى المصاحف كتير فى مصر أوى وكل بيت فيه كتير فممكن نحط الفلوس فى جامع بيتبنى أو كرسى متحرك فى مستشفى يستفادوا بيه المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة.

٥) دى نقطة مهمه أوى بالنسبة ليا .. محدش يقول لحد بتعيط عليه لية، ومتعيطش عشان هو بيتعذب!! الكلام دة غلط، سيبوهم يعيطوا لحد ما يطلعوا كل الشعور اللى عندهم و مفيش حاجه بتقول إن العياط معناه عدم رضا بقضاء ربنا "وأبيضت عيناه من الحزن فهو كظيم".

٦) أهم حاجة تانى هى الدعاء وبس والصدقة.

٧) من فضلكم تكثفوا الدعاء وقت نزول القبر وتتصدقوا بأى حاجه بنية إن ربنا يجعل قبرى روضه من رياض الجنه ويثبتنى عند السؤال لأن ده أهم وقت ليا وياريت كمان بعد ما تدفنونى تقعدوا معايا شوية ومتستعجلوش تمشوا عشان تونسونى فى ليلة زى دى.

٨) الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تانى.

٩) اللي بيحبوني يدعولى كتير عشان لو مفيش حد يدعيلى.

١٠) ودى مهمة أوى أوى أوى عاوز الكل يسامحني علي اي حاجه عملتها فيه بقصد لو بدون قصد".

في ختام وصيته، كتب تامر: “اللهم إن كثر موت الفجأة من حولي وكثر موت الشباب غفلة، فإن كنت أنا القادم، فأحسن خاتمتي وارزقني نطق الشهادة. يارب، يسّر طلوع روحي واهون عليّ سكراتي، فإني أحب أن أرحل في هدوء وسكينة، ولا تقبض روحي إلا وأنت راضٍ عني لكي أكون عبدًا مقبولًا عندك حتى ألقاك العظيم.”

بهذه الكلمات، ترك تامر ضيائي رسالة مليئة بالأمل والإنسانية، تعكس عمق شخصيته ورؤيته للحياة والموت، وتدعونا جميعًا إلى التفكير في معنى الفقد وكيفية الاستمرار في ذكرى من أحببناهم.